Lyrics Noha: Abbas Ka Nara Lyrics in Urdu Text

 

اک شور ہے عباس یا عباسدریا پہ جو پہنچا اسد اللہ کا پیارا

للکار کے پھر فوج کو غازی یہ پکارا

تم سب یہی کہتے تھے کہ دریا ہے ہمارا

اب دیکھو کہ دریا ہے ہمارا یا تمھارا

لو چھین لو یہ ہم ہیں یہ قبضہ ہے ہمارا دریا ہے ہمارادریا ہے ہماراعباس کا نعرہ ہے علمدار کا نعرہ دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہماراعباس علمدار علمدار علمدار

میں حیدر کرار کے سائے میں پلا ہوں

میں فاطمہ زہرا کی دعاوں کا صلہ ہوں

عباس میرا نام علمدار وفا ہوں

یہ نام و نسب ہے میری قسمت کا ستارہ

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس کا نعرہ ہے علمدار کا نعرہ دریا ہے ہمارا

آقا کی دعاوں کا کرم ساتھ ہے میرے

دیکھو بنی ہاشم کا ہشم ساتھ ہے میرے

رتبہ ہے علمدار علم ساتھ ہے میرے

لہرا کے پھریرا بھی یہ کرتا ہے اشارہ

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس علمدار علمدار علمدار

ساحل پہ جو یہ فوج کے دستے ہیں تمھارے

اک آن میں پیوند زمیں ہوں ابھی سارے

دریا الٹ آئے ابھی قدموں میں ہمارے

اک حشر بپا کر دوں میں کر دوں جو اشارہ

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس کا نعرہ ہے علمدار کا نعرہ دریا ہے ہمارا

خط بھیج کے تم نے جنہیں یثرب سے بلایا

مہمان تھے لیکن انہیں دریا سے ہٹایا

پیاسے ہی رہے وہ انہیں پانی نہ پلایا

اللہ نے جن کے لئے کوثر کو اتارا

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس علمدار علمدار علمدار

یہ حکم ہے آقا کا نہ تلوار اٹھانا

ورنہ میری ضربوں سے لرزتا یہ زمانہ

یہ فوج جفا کار یہ ظالم کا ٹھکانہ

اک نیزے سے نقشہ ہی بدل جائے گا سارا

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس کا نعرہ ہے علمدار کا نعرہ دریا ہے ہمارا

کیا فوج کی تعداد بتاتے ہو ہمیں تم

ہم دیکھیں کہ کس طرح ہٹاتے ہو ہمیں تم

کس حاکم و جابر سے ڈراتے ہو ہمیں تم

اب نام نہ لینا کسی حاکم کا دوبارہ

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس علمدار علمدار علمدار

پیاسا ہوں مگر سن لیں سبھی دشمن جانی

پانی مجھے پینا نہیں لے جانا ہے پانی

ہائے میرے معصوم کی وہ تشنہ دہانی

ہے مشک سکینہ ان ہی پیاسوں کا سہارا

دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

عباس کا نعرہ ہے علمدار کا نعرہ دریا ہے ہمارا

تاریخ نے دیکھا نہ ہلال ایسا وفادار

اب بھی ہے ترائی کی زمیں پر وہ دل افگار

وہ دیکھ ذرا روضہ عباس علمدار

اک زندہ گواہی ہے یہ مرقد کا نظارہ

دریا ہے ہمارا

عباس کا نعرہ ہے علمدار کا نعرہ دریا ہے ہمارا

لو چھین لو یہ ہم ہیں یہ قبضہ ہے ہمارا دریا ہے ہمارا

اک شور ہے

دریا ہے ہمارا